Poslovne vijesti - Makedonija

Казни за оние што нема да поднесат барање за легализација

Граѓаните да не го чекаат последниот ден за да поднесат барања за легализација на дивоградбите, бидејќи сериозно размислуваме да не се продолжува рокот кој истекува на 3 септември и да има парични санкции за тие што нема да поднесат барање согласно Законот.

Таков апел упати министерот за транспорт и врски, Миле Јанакиески, од Радовиш, каде што со градоначалникот Роберт Велков доделија решенија за утврдување на статусот на бесправно изградени објекти.

- Сериозно размислуваме да не го продолжиме овој рок и да има парични санкции за лицата кои не поднеле барање, бидејќи самото поднесување на барањето не е подолго од три минути. Ги повикувам сите градоначалници да формираат тимови, кои од куќа во куќа, од фирма во фирма, на терен, дополнително ќе им го објаснуваат процесот на граѓаните и ќе им помагаат за тоа - изјави Јанакиески.

Според градоначалникот Велков процесот за легализација во Радовиш се одвива непречено, а секојдневно се доделуваат решенија за завршени предмети. Досега до радовишката општинска администрација се поднесени 950 барања за легализација на дивоградби.